Dwayne Johnson shpallet mashkulli më seksi i botës

Revista “People” ka shpallur aktorin Dwayne Johnson si mashkullin më seksi të botës. Ai është i gjatë 1.96 cm dhe me peshë 111 kg. 44-vjeçari muskuloz ka tiparet e një superheroi, ndaj dhe përzgjedhja për të interpretuar Herkulin, në filmin e vitit 2014 me të njëjtin emër, nuk ishte rastësi. Johnson kujton sesa të vështira kanë qenë vitet e para të fëmijërisë në Honolulu. Ai do të pranohej më vonë në Universitetin e Miamit, ku dhe spikati në futboll, e pas diplomimit iu bashkua Ligës Kanadeze të Futbollit, nga ku u largua dy muaj më vonë. Vështirësitë financiare e çuan drejt asaj që kishin bërë edhe meshkuj të tjerë të familjes së tij, drejt mundjes. Sot një aktor i suksesshëm e i mirëpaguar hollivudian, Johnson thotë se nuk e përjashton mundësinë që një ditë të garojë për president, nëse do të arrinte vërtet të ndryshonte diçka.