Sipas lajmeve të fundit nga mediat turke, aktorja bukuroshe e “Mos u dorëzo” është shtruar me urgjencë në spital pas një krize shëndetësore. Siç shkruan “Hurriyet”, 24-vjeçarja ka pasur probleme me apandecitin dhe është shtruar me urgjencë në spital për t’iu nënshtruar një operacioni.

E dashura e futbollistit gjerman të Arsenalit, Mesul Ozil, sipas të afërmve nuk është në rrezik për jetën, madje pritet të dalë nga spitali brenda pak ditësh, sapo gjendja shëndetësore të përmirësohet.

Aktorja e lindur dhe e rritur në Suedi, u shpall Miss World Turkey 2014, ndërsa në vitin 2015 nisi karrierën si aktore duke luajtur përkrah Tolgahan Sayisman në Serialin “Mos u dorëzo”.