E dashura e Ronaldos festoi në fushë me portugezin

Cristiano Ronaldo fitoi Ligën e Kampionëve për të dytin vit radhazi, ndërsa ky është trofeu i katërt i garës më të madhe evropiane për të. Ndërsa krahas bashkëlojtarëve, stafit dhe tifozëve, në festën e tij është bashkëngjitur edhe e dashura Georgina Rodriguez. E veshur me fanellën e Real Madridit, 22-vjeçarja dukej shumë bukur. Natyrisht për të festuar me superyllin portugez është bashkuar edhe nëna e tij, Dolores Santos, si edhe djali i tij, Cristiano Ronaldo Jr. Së fundmi është spekuluar se Georgina është shtatzënë duke u bazuar në disa fotografi, ku shfaqej barku i saj i fryrë. Çifti akoma nuk e ka komentuar këtë gjë.