E veja e Kirk Douglas feston 101 vjetorin, ditëlindja e parë pa burrin e saj të dashur

Showbiz E Premte, 24 Prill 2020 18:25

E ulur në një karrocë e rrethuar nga tullumbacet me ngjyra dhe e mbuluar me maskë, siç e kërkon emergjenca e koronavirusit. Kështu Anne Buydens, e veja e Kirk Douglas, që vdiq në 6 shkurt në moshën 103 vjecare, feston 101 vjetorin e ditëlindjes.

Kjo është ditëlindja e saj e parë pa bashkëshortin e dashur dhe ka qenë pikërisht nipi Cameron Douglas që ka organizuar festën dhe ka shpërndarë fotot në Instagram. Edhe ajo e kaloi një shekull jetë, duke qenë për 65 vjet një bashkëshorte e devotshme dhe e dashuruar me aktorin e ‘Spartacus’, me të cilin ishte martuar në 1954.

Një çift rekord dhe më jetëgjatë në Hollywood. Aktori, që ka bërë histori në kinema, nga viti 1943 deri në 1951 ka qenë i martuar me artisten britanike Diana Dill me të cilën kishte dy fëmijë, Michael dhe Joel Douglas.
Tre vite më vonë ai u martua me producenten Anne Buydens, me të cilën jetoi deri në vdekje.