Elon Musk dhe Amber Heard sërish bashkë

Miliarderi Elon Musk dhe aktorja Amber Heard janë rikthyer sërish së bashku.

Çifti që u ndanë në muajin gusht, si pasojë e jetës shumë të ngarkuar të të dyve, janë parë duke mbajtur duart e njëri-tjetrit në një darkë në Los Angeles duke konfirmuar kështu se janë bashkuar.

Ata poashtu janë parë bashkë edhe gjatë pushimeve në Kili.

Që atëherë, ata janë parë dy herë në Los Angeles, së pari duke ngrënë mëngjes së bashku dhe sërish më pas duke u puthur jashtë një restoranti.

Heard dhe Musk kanë nisur lidhjen e tyre pranverën e kaluar, pak kohë pasi Heard ishte divorcuar nga aktori Johnny Depp.