Enca e çon një nivel më tej: I dedikon këngë sherrit me Noizy-n?

Thumbat mes dy artistëve kanë bërë bujë kohët e fundit në media. Mes postimeve në Instagram dhe dedikimeve në koncerte, Enca i ka çuar diss-et në nivelin tjetër.

Në një seance në Instagram Live, Enca ka shpjeguar kuptimin pas tekstit të këngës “Ciao” dhe si i erdhi frymëzimi për ta shkruajtur. Ajo tha se ishte një inspirim i momentit nga gjithë gjërat që i kanë ndodhur dhe si është ndjerë këto muaj.

“Kënga flet për momente që ajo kalon me shoqërinë, apo ndonjëherë kur ndihesh e mërzitur, e lënduar për shkak të atij ‘motherfucker’, por në fund të ditës ti kupton se rrethohesh nga njerëz që të duan,” shprehet Enca.

Në një pjesë të tekstit thuhet: “Ata folin bla bla ba, neve jua bëjmë ha ha ha.” Pikërisht kjo frazë i ka bërë fansat të mendojnë se kënga i dedikohet tashmë “armikut” të këngëtares, Noizy-t. Sipas Encës, në këtë këngë i ka thënë të gjitha, po në mënyrën më të ëmbël të mundshme./Anabel/