Era Istrefi një sukses i garantuar, tashmë nën kujdesin e Sia-s

Era Istrefi tashmë është një emër i garantuar në tregun botëror. Performancat e saj gjithmonë e më shumë po bëjnë jehonë, por ajo po hedh hapa të sigurtë. Kjo shihet qartazi edhe falë bashkëpunimeve të saj.  Këtë muaj, Era Istrefi do të udhëtojë drejt Los Angeles për te punuar këngët e reja. Lajmin e ka bërë të ditur menaxheri i saj Faton Shoshi, i cili për Gazetën Express ka rrefyer se për këngët e Erës do të kujdeset këngëtarja me famë botërore, Sia. “Me 17 korrik do të udhëtojmë drejt Los Angeles, ku do të qëndrojmë për 12 ditë. Në këtë vend, Era do ti punoj 3-5 këngë të reja dhe ndër to është edhe kënga e punuar nga Sia, e cila ka bërë tekstin dhe vijën melodike”, ka thënë Shoshi. Ai ka zbuluar se përpos Sia-s, Era do të punoj edhe me producentë me të cilët punon Rihanna dhe me producentë të Justin Bieber.