Fatma Methasani: Ishte mision më vete të mbaja diskrete lidhjen

Fatma Methasani është prezantuesja e emisionit “Fun day”, e cila përmbysi stereotipin se në televizion duhet të punojnë vetëm vajzat me format e Kim Kardashian dhe që të rrinë pa problem në majë takave.

Edhe pse s’i pëlqen të jetë qendra e vëmendjes, së fundi Fatma është komentuar në media për lidhjen e dashurisë me ish-kolegun në televizionin ku punon, shefin e kuzhinës, Alfio Rrotani.

Në një intervistë për ‘PanoramaPlus’ moderatorja ka rrëfyer se si e ka bërë për vete kolegu i punës, lidhja e cila ka qënë e vështirë për të ruajtur diskrete, por dhe njëkohësisht interesante.

“Jo me receta se nuk jam llupëse. Ka tentuar me ushqime, me lule me mesazhe dehëse, me dashuri, por më në fund ia ka dalë me këmbënguljen e tij. Një zot e di si nuk u dorëzuar” ka treguar Fatma.

Gjithashtu marrëdhënien e tyre në çift ajo e përshkruan si ajo e dy kukullave në filmin vizatimor:’Një Tommy dhe Jerry por me happy ending’ –është shprehur moderatorja.