”Ferma VIP 2”, Big Mama rrëfen prapaskenat

Këngëtarja Big Mama ka folur për eksperiencën e saj në “Ferma VIP 2”, duke e përshkruar si një ndër përjetimet më të veçanta në karrierën e saj televizive. Ajo zbuloi se këtë herë kishte hyrë në reality show me një qëllim të qartë: të sfidonte veten dhe të qëndronte deri në fund.

Big Mama tregoi se ftesën për të qenë pjesë e fermës e kishte pranuar vetëm një javë para nisjes së programit. Këtë rrugëtim artistja e mori si një provë personale, duke shtuar se pavarësisht lodhjes dhe ritmit të vështirë të fermës, e kishte shijuar çdo moment të qëndrimit.

Megjithëse disa ish-fermerë kanë pretenduar se vendi i parë i ishte premtuar Big Bastës, këngëtarja u shpreh prerë: “Jo unë nuk po aludoj, po atë e di çdo kush si ka qenë”. Ajo theksoi se nuk ka asnjë hatërmbetje ndaj produksionit dhe se e vlerëson për mënyrën se si është realizuar programi