Fifi nderohet me çmimin e veçantë

Këngëtarja Filloreta Raçi, e mirënjohur për publikun si Fifi është vlerësuar me Mirënjohje për kontributin e madh të muzikës së saj. Ndarja e çmimit u mundësua nga Komuna e Prishtinës me rastin e 550-vjetorit të heroit kombëtar, Gjergj Katriot Skëndërbeut. ”Për kontributin shumëvjeçar në ngritjen e urave të bashkëpunimit dhe forcimin e lidhjeve mes Kosovës e Shqipërisë në aspektin, arsimor, kulturor, artistik, social, edukativ dhe shkëmbimin e përvojave në krijimin e lidhjeve të qëndrueshme”,-shkruhet ndër të tjera në çmim.