Fituesi i ”The X Factor”: Rita Ora më bëri të varur nga seksi

Fituesi i shout ”X Factor 2012”, James Arthur ka dhënë një deklaratë me të cilën ka habitur të gjithë. James zbulon një sekret të Ritës, duke thënë që ajo e bëri atë të varur nga seksi, po ashtu pranoi se ishte i varur nga lëndët narkotike dhe anti-depresioni.

James Arthur thotë se kishte netë ‘magjike’ me 26 vjeçaren Rita Ora, para se ajo ta braktiste atë. Po ashtu, ai deklaroi se kur Rita i kishte kërkuar ta takonte, ai nuk mund ta besonte, por ajo kishte ndikuar që të bëhej i varur.

Pasi e kishte braktisur, ai në autobiografinë e tij thotë se ka qenë edhe me qindra vajza të tjera. James i cili famën e fitoi pas pjesëmarrjes dhe rrëmbimit të çmimit të parë, pretendon se këngëtarja i kishte thënë se e donte. James tha: “Isha kaq i habitur që dikush si Rita ishte me të vërtetë e interesuar për mua. I thashë vetes se kjo nuk mund të jetë e vërtetë”.

Pasi janë ndarë, ai ka deklaruar se është ndjerë i shkatërruar kur ka parë lajme që Rita është me dikë tjetër. James thotë se u përpoq të lidhej sërish me Ritën, por nuk funksionoi, po ashtu theksoi vështirësitë që kishte gjatë kohës kur ishte i varur nga droga dhe anti-depresioni.