Stenaldo Mhilli, banori që u eliminua nga gara e ”Big Brother Albania Vip 5”, tregoi mbrëmjen e sotme në Top Story përjetimet pas daljes nga shtëpia më e famshme. Ai tha se ndihet krenar për rrugëtimin e tij, pasi edhe pse nuk fitoi çmimin e madh, fitoi zemrat e njerëzve. ”Për mua, të mendosh me idenë e një njeriu që shtyn përpara për të mundur një diferencë fizike. Përballë kësaj gjëje, vlerësoj që do të vë çdo gjë tjetër në punë: mendjen, veshët, krahët, mbi të gjitha zemrën dhe shpirtin, për të shtyrë përpara dhe për të mos ndejtur kurrë në vend. Pjesëmarrja në Big Brother ishte një hap, ndihem krenar. Jo se fitova çmimin, por ndihem krenar se këtu jashtë shoh se dikujt një copë zemre ia kam fituar”.