FOTO/ Deputeti shqiptar martohet me ish-shefen e tij, në ceremoni edhe Zoran Zaev

Deputeti dhe nënkryetari i LSDM-së, Muhamed Zekiri është kurorëzuar për herë të dytë në martesë. Zekiri është martuar me Bisera Jordanovën, e cila është e angazhuar në Agjencionin për inovacion.

Muhamedi dhe Bisera janë të lidhur prej shumë vitesh dhe janë njohur që nga koha kur kanë punuar në televizionin Alsat. Në atë periudhë Bisera ka qenë në pozitën e drejtoreshës së përgjithshme, kurse Muhamedi drejtor i informacionit.

Në këtë ceremoni ishte i pranishëm edhe kryeministri Zoran Zaev, i cili është fotografuar duke e shijuar çastet e bukura.

Kujtojmë që deputeti ka qenë i martuar më herët dhe nga martesa e parë ka dy vajza. /Shqip