FOTO/ E dashura e re e Ledrit ”fanse” e Sara Hoxhës?
Ledri Vula është në qendër të vëmendjes mediatike për një lidhje të re dashurie, një vit pas ndarjes nga Sara Hoxha. Në rrjetet sociale është publikuar një foto e Ledrit duke shijuar pushimet me një vajzë, e njohur si Rina Zaiti, që ka ngjallur shumë diskutime dhe spekulime.
Interesant është fakti që vetëm një muaj më parë, Rina kishte komentuar në postimet e Sara Hoxhës, duke e përshkruar atë si “dy mama të bukura”. Ky koment ka tërhequr vëmendjen e publikut, pasi tani lidhja e Rinës me Ledrin është bërë publike, duke ngritur pyetje për lidhjen e saj me ish-partneren e reperit.
Një tjetër element intrigues është lidhja e Rinës me Dafina Zeqirin, një mikeshë e ngushtë e saj dhe ish-partnere e Ledrit. Kujtojmë se Dafina kishte pasur një debat publik virtual me Ledrin dhe Sarën kur ata ishin ende bashkë, dhe raportet mes Dafinës dhe Sarës ishin gjithashtu të ngarkuara. Megjithatë, edhe pse Sara dhe Dafina ishin miq të mirë për një kohë, miqësia e tyre u prish pas zënkës së tyre të njohur.
