FOTO/ Jul Deda flet për rikthimin e ‘The SHBLSH’ dhe një takimi me Gent Zenelaj pas ‘sherrit’

Aktori Julian Deda u bë mjaft i njohur falë roleve të tij në spektaklin “Portokalli” sidomos me grupin “The SHBLSH”.

Ai ka qenë i ftuar në emisionin Thumb ku është pyetur për këtë grup dhe nëse ndjen nostalgji për ato kohë. “Kam një lloj kujtimi shumë mirë, por nuk jam natyrë nostalgjike,”-u shpreh Deda.

Gjithashtu ai është pyetur, nëse do të kishte një rikthim të këtij grupi dhe ai ka thënë: “Ermali e ka ëndërr diçka të tillë, të dy e kemi menduar, por janë disa gjëra që duhen rregulluar, për të patur një rikthim të tillë.”

Juli është pyetur edhe për marrëdhënien e tij me aktorin Gentjan Zenelaj me të cilin prej vitesh tashmë nuk flet: “Nuk ma do mendja se do më shihni shpejt me Gentin, por kurrë mos thuaj kurrë, ndërsa me Ermalin është tjetër gjë,”-ka theksuar aktori i “Apartamentit 2Xl”.