FOTO/ Pasi tha se i kishte kërkuar 50 mijë euro për një bashkëpunim, reperi i kërkon falje publike Capital T

Reperi Capital T akuzoi pak ditë më parë gazetarin Robert Bojaj, për shpifje duke e paralajmëruar për gjyq. E gjitha pasi bashkë me një të ftuar në emisionin e tij, teksa zhvillonin një intervistë, kanë deklaruar se Capital i ka kërkuar artistit 50.000 euro për të realizuar një këngë me të. Capital e hodhi poshtë dhe shprehet se këto janë shpifje, ndaj do merrte masa ligjore.

Reperi Rrezik ka sqaruar sërish të vërtetën në një video në rrjete sociale, ku thotë se i kërkon falje Capital T dhe se deklarata e tij u keqinterpretua. Ai i kërkoi ndjesë publike Capitalit duke i uruar suksese në vazhdim.

Rikujtojmë se, artisti i njohur dhe shumë i dashur për publikun, Capital T, shumë shpejt do të vijë në Tiranë për koncertin e tij. Artisti do të organizojë “Time Capsule III-The Return” në kryeqytet më 16 gusht, në stadiumin “Selman Stërmasi”.