Gjenerata Z po kursen më shumë para se çdo brez tjetër

Sipas një studimi të kryer nga Bank of America dhe Morning Consult, të rriturit e Gjeneratës Z (mosha 18–26 vjeç) po udhëheqin në zakonet e kursimit, duke lënë pas çdo brez tjetër. Rreth 73% e tyre raportojnë se kursejnë rregullisht një pjesë të të ardhurave të tyre çdo muaj.

Edhe pse përballen me kosto të larta jetese dhe borxhe studentore, të rinjtë e kësaj gjenerate po i japin përparësi planifikimit financiar, krijimit të fondeve emergjente dhe investimeve që në moshë të re, më herët se Millenials dhe Gjenerata X.

Analistët ia atribuojnë këtë prirje rritjes së ndërgjegjësimit financiar, përdorimit të mjeteve digjitale për menaxhimin e buxhetit dhe një mentaliteti të kujdesshëm të formuar nga pandemia dhe pasiguritë ekonomike të viteve të fundit.