Habit këngëtarja: Fustanin e fejesës e kam blerë tek “Gabi”

Këngëtarja Orgesa Zaimi, gjithmonë njihet për stilin e saj të veçantë dhe gjithmonë di çfarë zgjedh.

Për të folur më mirë rreth kësaj teme, këngëtarja ka qenë mbrëmjen e djeshme në emisionin “Pasditja ime”, në RTSH1. Orgesa shkoi në studio bashkë me disa nga veshjet e saj, ndërsa zbuloi edhe detaje të veçanta rreth vetes që ne si dinim.

Mes shumë të tillave ishte edhe fakti se Orgesa kishte zgjedhur që fustanin e fejesës ta blinte tek “Gabi”.

“Këtë e kam blerë në dyqane të dorës së dytë ose, siç i thonë në Shqipëri, tek “Gabi”, por mua më pëlqen shumë dhe më ka qëndruar shumë bukur në trup”, tha Zaimi, ndërsa tregonte fustanin e kuq.