Homazhet në nder të Kobe Bryant, Vanessa përlotet dhe thotë…(VIDEO)

Ditën e djeshme, 20 mijë njerëz u paraqitën në Qendrën Staples në Los Anxhelos për t’i dhënë lamtumirën e fundit Kobe dhe Gianna Bryant. Homazhet në nder të legjendës së basketbollit dhe vajzën e tij 13-vjeçare mblodhën tifozët nga i gjithë vendi në qytetin jugor të Kalifornisë pothuajse një muaj pasi Kobe Bryant dhe vajza e tij mbetën të vrarë së bashku me shtatë të tjerë në një përplasje me helikopter më 26 janar.

Vanessa Bryant, gruaja e legjendës së basketbollit, hapi memorialin mes dhimbjes dhe lotëve, pas ngjarjes tragjike ku humbi dy ndër njerëzit më të rëndësishëm në jetën e saj. “Zoti e dinte që ata nuk mund të ishin në këtë Tokë pa njëri-tjetrin”,-u shpreh Vanessa në krye të fjalimit të saj. ”Ai duhej t’i sillte ata në shtëpi për t’i mbledhur”.

Ajo e përshkroi vajzën e saj Gianna si ‘një shpirt jashtëzakonisht të ëmbël dhe të butë’ që ndriçoi çdo dhomë ku hynte brenda, ndërsa foli për mënyrën sesi vajza e saj trashëgoi dashurinë dhe talentin e ashpër të babait të saj për basketbollin, dhe se si ajo kurrë nuk do ta kuptonte se Gianna ishte e destinuar të ishte në botën e sportit.

Vanessa më pas reflektoi në marrëdhënien e saj 21-vjeçare me Kobe, të cilën ajo e përshkroi si ”babai më i mirë i vajzave”, që i mësoi katër vajzat e tyre si të ishin të guximshme dhe të vazhdonin përpara edhe kur gjërat vështirësoheshin. Legjendat e NBA-së Michael Jordan dhe Shaquille O’Neall, të dy u përlotën ndërsa u kujtuan mikun dhe rivalin e tyre të ndjerë. Disa figura të tjera të famshme të sportit që e njihnin Kobe personalisht dhe profesionalisht gjithashtu folën në memorial, i cili paraqiti shfaqje muzikore nga Beyoncé, Alicia Keys dhe Christina Aguilera.