Humbi 7 të afërm nga tërmeti, këngëtarja shqiptare përlotet: Duhet të mësojmë të gëzojmë sërish

Këngëtarja dhe moderatorja e “Vizionit të Pasdites”, Evi Reçi nuk i përmbajti dot lotët, teksa kujtonte të afërmit që humbi nga tërmeti i 26 nëntorit.

Me një zë të dridhur, ajo tha se dhimbja që ka lënë kjo ngjarje është shumë e madhe. Nga ana tjetër, shtoi se asgjë nuk ka më shumë rëndësi sesa vetë jeta dhe se duhet të mësojmë të gëzojmë sërish.

Familja e xhaxhait të Evit humbi jetën nën rrënoja, ashtu sikurse mikesha e saj e fëmijërisë, së bashku me të bijën dhe mamanë e saj.

“Para një viti humbja e familjavrë e të mi ka qenë një goditje shumë e madhe. Sot pas një viti kuptojmë që siç thash edhe vjet, që asgjë nuk ka më shumë rëndësi sesa jeta. Ka qenë një vit shumë i vështirë për të gjithë shqiptarët, përveç tërmetit, ka qenë edhe pandemia. Ju kërkoj ndjesë për emocionet, por është situatë shumë reflektuese. Nuk duhet të harrojmë asnjëherë që njerëzit, edhe nëse nuk janë fizikisht prezentë me ne, janë gjithmonë pranë nesh. Asgjë nuk ka më shumë rëndësi sesa jeta. Ne duhet të zgjedhim të vazhdojmë jetën, duke pranuar dhimbjen dhe vlerësuar gëzimet që ajo na sjell”,-tha ajo.