I vodhën makinën këngëtares Adelina Tahiri, dënohet i riu

Një 19-vjeçar është dënuar nga Gjykata e Tiranës, pasi i ka vjedhur automjetin këngëtares, Adelina Tahiri. Sipas policisë, ngjarja ka ndodhur në 17 Mars të këtij viti, në zonën e ish-Bllokut. Mbrëmjen e kësaj dite, rreth orës 20:30, Aleks Manaj ka mashtruar këngëtaren se do t’i parkonte makinën me targa KS 9512AJ, tip “Wolswagen”. Këngëtarja maqedonase i ka besuar të riut, pasi këtë gjë e kishte bërë edhe më parë. Pasi i ka marrë çelësat, ai është larguar, raporton “Tv Klan”. Manaj është kapur po atë ditë nga policia. Për këtë ngjarje, 19-vjeçari është dënuar me 1 vit burg. Ndërkohë automjeti i është kthyer sërish këngëtares.