“Inter Wags” nga Wanda, nuk lë asnjë futbollist të Interit të gënjejë gruan

Futbollistët e Interit njihen për mirëkuptimin që kanë me njëri-tjetrin, thuhet se ata kanë edhe një grup të përbashkët në Whats Up ku komunikojnë për çdo gjë.

Por mesa duket edhe gratë e tyre nuk kanë ndenjur pa u njohur me njëra-tjetrën.

Sipas “Gazzetta dello Sport”, bashkëshortet e lojtarëve kanë një grup të përbashkët me emrin “Inter Wags”, ku diskutojnë për tema nga më të ndryshmet.

Por sigurisht që nuk mund të rrinë pa folur edhe për bashkëshortët e tyre.

Kështu asnjë futbollist i Interit nuk mund të përdorë stërvitjen si pretekst për t’u larguar nga shtëpia. Pasi mjafton një mesazh në grup dhe zbulohet e vërteta.

E kush tjetër përveç se Wanda Nara mund të ishte administratorja e këtij grupi.