Italia ‘çmendet’ pas Dua Lipës, udhëheq bindshëm klasifikimet ndërkombëtare me këngën e saj
Mediat italian kërkojnë çdo ditë e më shumë që të zbulojnë kush është, këngëtarja me origjinë shqiptare që jeton në Britani, e cila po udhëheq bindshëm të gjitha top listat e klasifikimeve ndërkombëtare me këngën e saj të fuqishme “New Rules”, bën të ditur Syri.net.
E lindur në Londër, Dua Lipa është një këngëtare shumë e re britanike, e njohur për hitet “Be the One” dhe “Hotter Than Hell“. Një sukses i jashtëzakonshëm ky i saj, pasi në harkun e pak viteve a mundur t’u imponohet me sukses klasifikimeve ndërkombëtare, duke regjistruar rekorde vërtetë impresionues për sa i përket shikimeve të videoklipeve të saj në You Tube, shkruajnë mediat italiane.
Për ata që nuk e njohin, më poshtë keni disa kuriozitete interesante mbi jetën e saj!
Dua Lipa: gjatësia, këngët dhe kuriozitete
– Dua Lipa është lindur më 22 gusht të 1995 në Londër.
– Gjatësia e saj është 1,73 metra.
– E dije që …ka origjinë shqiptare? Këngëtarja në fakt ka jetuar për disa vite në Kosovë për t’u transferuar sërish në Londër në moshën 15 vjeçare.
– Emri i saj Dua derivon nga një fjalë shqiptare, që do të thotë “dua, dashuroj”.
– Në Londër ka filluar t’i dedikohet ëndrrës së saj të madhe: të hyjë në botën e muzikës.
– E dije që… babai i saj është këngëtar i një grupi shumë të njohur rok në Kosovë?
– Debutimi i Duas erdhi në rrjetet sociale dhe në veçanti në YouTube, u publikoi disa “covera”të këngëve të suksesshme të Christina Aguilera e Nelly Furtado.
– Paralelisht me aktivitetin në YouTube, Dua filloi të njihej si modele.
– Rasti i madh i erdhi në dorë në 2015 kur nënshkroi një kontratë discografike me Ëarner Bros Records.
– Në gusht 2015 debutoi në botën e muzikës me këngën “New Love“.
– Shenjtërimi ndërkombëtare erdhi nga kënga “Be the One”, me 10 milionë klikime në YouTube.
– Këngët më të suksesshme: nga kënga debutuese “New Love”, “Be the One”, “Last Dance”, “Hotter than Hell”, “Blow your Mind”, “Scared to be lonely” dhe shumë të tjera.
– E dini që …ka bashkëpunuar me Sean Paul në hitin “No Lie” dhe ka shkruaj një këngë për Annalisan? Bëhet fjalë për këngën “Used to You”, e shndërruar në italisht “Potrei abituarmi“.
– Në 2017 ka pozuar për fushatën promocionale të Patrizia Pepe me coverin “Bang Bang“.
– E dini që …është përfshirë nga revista “TIME” si protagonistja e re e NextGenerationLeaders2017 për impenjimin e saj në mbrojtje të të drejtave të grave.
Dua Lipa: New Rules dh albumi i ri
Kurorëzimi përfundimtar vjen pas këngës “Neë Rules” me të cilën Dua Lipa ka fituar klasifikimet italiane dhe ndërkombëtare. Kënga, e certifikuar platin për shitjet e saj, është një sukses pa precedentë prej 500 milionë shikimesh në YouTube.
Kënga, e përfshirë në albumin e parë të këngëtares “Dua Lipa – Special Italian edition”, i publikuar më 20 tetorin e kaluar, është prezantuar live nga këngëtarja gjatë “Live Show”-t të X Factor 11.
