Ja çfarë ndodh kur Brad Pitt përfshihet në një aksident automobilistik…

Java për aktorin e famshëm Brad Pitt duket se nuk po ecën dhe aq mirë pasi së fundmi është përfshirë në një aksident automobilistik.

Teksa po lëvizte në Los Angeles me makinën e tij, shoferi godet një makinë që godet një tjetër makinë duke shkaktuar kështu frikë tek drejtuesit e tjerë në rrugë por edhe tek këmbësorët.

Fatmirësisht askush nuk u dëmtua, as shoferët dhe as Brad, përkundrazi ata dukeshin mjaft të lumtur nga kjo ngjarje fatkeqe. Aktori i cili dukej në humor shumë të mirë fotografoi dëmin dhe shkëmbeu kontaktet me dy shoferët e tjerë të cilët ishin dy fansa të zjarrtë të tij.

Dy drejtuesit e tjerë dukeshin shumë të lumtur që makina e tyre u përplas nga ajo e Brad Pitt dhe teksa prisnin që autoritetet përkatëse të vinin në vendngjarje, ata ndenjën duke biseduar me buzën në gaz.