Jo në Pallatin e Kongreseve, zbulohet ku do të zhvillohet Festivali i Këngës

Festivali i Këngës në Radio Televizionit Shqiptar, do të mbahet në ambiente të hapura mes datave 17-26 dhjetor. Regjisori i këtij festivali, Pali Kuke u shpreh se kjo është një kohë e vështirë dhe se është e rëndësishme mënyra se si do t’i qasen Festivalit.

“Është kohë e vështirë që na ra për hise. Është e rëndësishme se si do i qasemi festivalit. Po e bëjmë se është dëshira për të mbrojtur artin e këngën. Është unikal krahasohet me festivalin e 11. U mbajt dhe në 97 dhe nuk u ndërpre”,- është shprehur ai për Balkan Web.

Për shkak të situatës nga Covid-19, festivali do të mbahet mes zonës së Rektoratit të Tiranës dhe Stadiumit ‘Air Albania’, ndërsa juria do të jetë e përbërë nga shqiptarë. Burime pranë “TVSH-së” kanë pohuar për revistën “Who”, se emrat që përfliten për të drejtuar festivalin e fundvitit do të jenë Jonida Vokshi, Gresa Pallaska, Blendi Salaj dhe Klea Huta.