Jonas Blue: Era, vajza e hiteve

Era Istrefi nuk di të ndalet. Publikohet kënga e re me Jonas Blue, e titulluar “Purpose”. Era Istrefi është pjesë e albumit “Blue” të këngëtarit dhe DJ Jonas Blue, krahas emrave si Liam Payne, Joe Jonas, JP Cooper dhe Lennon Stella.

Në një intervistë për gjigandin mediatik “Billboard”, Jonas Blue ka folur edhe për talentin shqiptar, ku nuk nguroi ta cilësojë Erën si vajzën e hiteve.

”Era Istrefi ishte zgjedhja perfekte. Ajo kishte nivelin e duhur për stilin e kësaj kënge. Unë jam shumë i lumtur për këtë bashkëpunim, si dhe për produksionin final të këngës”, u shpreh Jonas Blue për “Billboard”.