Justin Bieber mund t’i rikthehet muzikës shumë shpejt

Justin Bieber ka bërë një pauzë në muzikë për një kohë të gjatë, thuajse 2-vjeçare. Postimet e fundit në rrjetet sociale kanë ngritur dyshimet se mungesa e tij në muzikë do të marrë fund.

Pasi nisi një turne nëpër botë 2 vjet më parë pas një vonese gati 2-vjeçare për shkak të pandemisë së kovidit, Bieber zbuloi në qershor të atij viti se vuante nga probleme të rënda shëndetësore. Ishte pikërisht gjendja e tij e rënduar shëndetësore e cila e detyroi këngëtarin të anulonte koncertet.

Fotot në rrjetet sociale, të cilat duket se janë një sinjal për një rikthim të mundshëm të Justin-it në muzikë janë mirëpritur me emocione nga fansat.