Kaia Gerber në moshën 19-vjeçare shfaqet e zhveshur dhe ngjall polemika

Vajza e Cindy Crawford pozon topless dhe me lëkurë të zezë për numrin e shtatorit të Vogue Japan. Kaia Gerber e ka filluar karrierën e saj në moshën 10-vjeçare duke pozuar për fushatën e Young Versace dhe që nga ajo Kaia nuk ndalet dhe vetëm në moshën 19-vjeçare ajo është tashmë një yll.

Për më tepër edhe nëse nëna jote është Cindy Crawford, i ke të gjitha mundësitë për të pushtuar botën e fashion. Shumë e kërkuar nga brandet më ekskluzivë, ajo ka sfiluar për marka të fuqishme si Chanel, Fendi dhe Prada dhe ajo pëlqehet shumë për bukurinë e saj të pastër dhe të freskët. Në një set fotografik të dalë pak ditë më parë Kaia shfaq të gjithë sensualitetin e saj me të cilin nuk jemi mësuar ta shohim.

’Faleminderit të gjithë atyre që bën të mundur punën time të fundit para karantinës, më e mira që mund të shpresoja’, shkruan top modelja në Instagram. Në setin fotografik të realizuar nga fotografët Luigi and Iango për numrin e shtatorit të Vogue Japan Gerber pozon me krijimet provokuese të Anthony Vaccarello për Saint Laurent.

Kaia Gerber mishëron me këto foto rolin e një femre të re të paturpshme, që shfaqet e veshur me lëkurë duke ekspozuar gjoksin nudo. Nuk mungojnë polemikat për fotot e fundit të Gerber, ku disa mendojnë se foto të tilla nuk janë të përshtatshme për një vajzë të re si Kaia, e cila në foto shfaqet me një ngjashmëri të pabesueshme me mamin Cindy Crawford.