Kaosi në SHBA, Dua Lipa për protestuesit: Janë terroristë

E njohur për mos pëlqimin ndaj Donald Trump dhe mbështetjen ndaj Joe Biden, Dua Lipa ka reaguar ndaj protestës që u zhvillua ditën e djeshme në SHBA, duke i quajtur protestuesit “terroristë”.

Këngëtarja me famë botërore dhe origjinë shqiptare, përmes një postimi në Instagram, ka publikuar edhe një foto të protestuesve duke i quajtur terroristë. “I quani ata siç janë: terroristë”, shkruan Dua.

Këngëtarja me origjinë shqiptare ka pasur reagime të ashpra dhe të shumta ndaj qeverisjes dhe politikave të Donald Trump, ndërkohë që gjatë zgjedhjeve ajo i ka bërë thirrje ndjekësve të saj për të votuar Joe Biden.