Këngëtarja dhuron 5.000 dollarë për familjen e fanses së ndjerë

Këngëtarja amerikane, Taylor Swift ka vendosur të dhurojë një shumë parash për familjen e një vajze që humbi jetën në një aksident automobilistik. Përmes fushatës GoFundMe, ajo i ka dhuruar 5.000 dollarë për familjen e fanses së saj, Katie Beth Carter, e cila humbi jetën në moshën 18- vjeçare në Alabama. Motra e së ndjerës e ka publikuar në rrjetet sociale shumën dhe mesazhin prekës të Taylor. “Nuk ka fjalë përmes të cilave mund ta përshkruaj sa më vjen keq për humbjen tuaj. E di se kujtimin për Katien do ta mbani gjallë përgjithmonë. Ju lutem kini në mendje sa mendoj për ju dhe jua dërgoj lutjet e mia”, ka shkruar Swift. Familja e së ndjerës ka nevojë për 40.000 dollarë për të mbuluar shpenzimet shëndetësore që pasuan në përpjekje për ta mbajtur gjallë Katien.