Këngëtarja e njohur serbe bashkëpunon me artistin shqiptar, zbulon detajet

Bashkëpunimet mes artistëve janë kryefjala e këtij sezoni. Jo vetëm mes kolegëve shqiptarë, por tani edhe më të huaj. Këngëtarja e njohur serbe Tea Tairovic, ka zbuluar detaje rreth bashkëpunimit me një këngëtar shqiptar.

Pas publikimit të “Hajde” një version serbisht i këngës së njohur shqiptare “Hajde luj qyqek”, këngëtarja premton se ka një surprizë për të gjithë fansat.

Bëhet fjalë për një bashkëpunim me producentin dhe këngëtarin e njohur Irkenc Hyka. Ajo ka treguar se shumë shpejt do të publikohet kënga e saj e re, një ripërpunim i një prej këngëve më të njohura të Irkencit.

“Kam bërë një version të mirë të një prej këngëve të tij dhe jam shumë e kënaqur. Kënga do të publikohet së shpejti”,-është shprehur Tairovic.