Këshilla e Rihanna-s për ata që e vuajnë ndarjen e parë

Këngëtarja e njohur, Rihanna ka bërë një bisedë më një fans që sapo është ndarë nga e dashura duke i dhënë një këshillë. “Hey Robs, cfarë ke bërë kur ke pësuar ndarjen e parë nga i dashuri? Unë po vuaj”, i ka shkruar Walad Shami këngëtares, duke marrë një përgjigje të shpejtë. “Beso se ndarja e parë është dhuratë. Qaj nëse e ke të nevojshme, por nuk do të jetë përgjithmonë. Ti do të gjesh dashuri përsëri dhe do të jetë më e bukur. Ndërkohë mundohu të kënaqesh sa më shumë për veten tënde”, shkruajti 29-vjecarja. Fotoja ku të dy kanë komunikuar është bërë virale nëpër rrjete sociale, ku të gjithë e vlerësojnë yllin e pop-it për këtë këshillë dhe mendojnë se është shumë e vlefshme për çdo njeri që vuan prej një dashurie që nuk ka funksionuar siç duhet.