“Kjo nuk është shaka”, aktori i njohur infektohet me koronavirus

Një aktor i njohur tajlandez është infektuar me koronavirus.

Matthew Deane Chanthavanij, 41 vjeç, bëri njoftimin në llogarinë e tij zyrtare në Instagram, duke shkruar: “Kjo nuk është shaka, për ata që kanë qenë në kontakt të ngushtë me mua ditët e fundit ju lutem merrni masa paraprake. Unë kam virusin Covid-19. “

Ministria e Shëndetit Publik në Tajlandë njoftoi sot 7 raste të reja, duke e çuar në 82 numrin e të infektuarve në vend.

Rasti më i ri ishte i një vajzë 4-vjeçare, e cila kishte pasur kontakte të ngushta me një pacient tjetër të infektuar, si dhe me katër anëtarë të së njëjtës familje.