Koncerti holografik i Whitney Houston duket se po “tmerron” njerëzit

Rreth pesë vite më parë u tha se do të realizohej një koncert holografik i Whitney Houston dhe  njerëzit që prej asaj kohe kanë qenë të mendimeve të ndryshme, shkruan The Union Journal.

Megjithatë së fundmi duket se pjesa dërrmuese u tmerrua nga teknologjia e hologrameve, e cila krijoi një imazh tridimensional të artistes.

“Një mbrëmje me Whitney-n: The Whitney Houston Hologram Tour” pritet të nisë më 25 shkurt në Mbretërinë e Bashkuara, megjithatë, gjykuar nga reagimi pasi u shfaqën disa pamje në mediat britanike, është ende i paqartë suksesi.