Konfirmohet: Georgina shtatzënë, Ronaldo në pritje për t’u bërë sërish baba

Cristiano Ronaldo do të bëhet sërish baba. E dashura e tij Georgina Rodriguez është shtatzënë dhe mediat rozë shkruajnë se pret binjakë.

Revista rozë italiane “Chi” në numrin e nesërm të saj pritet që të publikojë të plotë lajmin, i cili është shpërndarë paraprakisht.

Fotografitë që ka kapur revista janë shkrepur në ishullin e Corsica-s në Itali dhe në to duket bukuroshja Rodriguez me një kanotiere të gjatë poshtë së cilës i duket barku me formë.

Thuhet se Rodriguez është në muajin e katërt të shtatzënisë, por ende nuk dihet nëse është në pritje të binjakëve djem apo vajza.

Vetë bukuroshja ka shpërndarë foto me doktorin që thuhet se po ndjek shtatzëninë e saj.

Thashethemet për shtatzëninë e saj u shpërndanë disa ditë më parë, por duket se fotografitë e fundit e kanë konfirmuar këtë lajm.