Krishtlindja e parë pa Mbretëreshën, publikohet kartolina e parë e mbretit Charles III

Pallati Buckingham ka nxjerrë kartolinën e parë mbretërore të Krishtlindjeve të mbretërimit të Charles III.

E zgjedhur nga Mbreti dhe bashkëshortja e tij Camilla, fotografia është realizuar nga Sam Hussein në Braemar Games në Skoci më 3 shtator, pesë ditë para se të vdiste Mbretëresha Elizabeth II dhe kur Charles ishte ende Princi i Uellsit.

Në imazh, çifti shfaqen duke parë njëri-tjetrin, me Mbretin që mban veshur një kostum ngjyrë bezhë dhe kravatë me vija ndërsa Camilla një kapele dhe xhaketë jeshile.

Mbretëresha nuk mori pjesë në Lojërat Braemar këtë vit. Monarkja më jetëgjatë e Britanisë vdiq më 8 shtator, në moshën 96-vjeçare, pas 70 vitesh në fron.

Kjo Krishtlindje do të jetë e para për familjen mbretërore pa Mbretëreshën, e cila zakonisht e kalonte periudhën e pushimeve në Sandringham, prona e saj në fshatin Norfolk rurale rreth 100 milje në veri të Londrës.