Kundër dhunës seksuale, mesazh i Lady Gaga dhe Joe Biden

Këngëtarja Lady Gaga dhe ish-zëvendëspresidenti amerikan, Joe Biden, regjistruan një mesazh video, të cilin më pas e postuan në “Twitter”, në kuadër të ItsOnUs.org, një organizatë që thotë se do të njohë, identifikojë dhe ofrojë mbështetje për viktimat e agresioneve seksuale.

“Na takon ne të ndërhyjmë për të ndaluar abuzimet kur i shohim dhe kur i dëgjojmë. Asnjë burrë nuk ka të drejtë të ngrejë dorë mbi një grua, për çfarëdolloj arsyeje, përveç vetëmbrojtjes”, tha Joe Biden, ish zv.president, shkruan TCh.

Lady Gaga tha se ajo vetë është viktimë e një agresioni seksual dhe inkurajoi njerëzit të flasin me të tjerët nëse vihen në këtë pozicion.

“Unë jam një viktimë e agresionit seksual dhe i njoh pasojat, traumën, gjendjen psikologjike e fizike që pason…mund të jetë e tmerrshme, të zgjohesh çdo ditë dhe të ndjehesh e pasigurt në trupin tënd. Por, duhet të kujtojmë, se sa e rëndësishme është të flasësh me dikë të cilit mund ti besosh dhe të dish se ke dikë të gatshëm për të të ndihmuar”, tha Gaga.