Kylie Jenner mohon shtatzëninë, duke treguar trupin në fustan të ngushtë

Kur gëzon një jetë luksoze duhet ta dish se pas saj fshihen edhe mijëra probleme tjera. Duke filluar nga mirëqenia shpirtërore e deri tek qetësia brenda mureve të shtëpisë, disa të famshëm edhe nuk e kanë mundësinë të kalojnë një ditë të plotë pa ndërhyrje nga fansat, apo paparacët. E padyshim se një gjë të tillë do e përjetojë edhe Kylie Jenner, e cila kohët e fundit u përfol shumë për rikthimin e lidhjes me reperin Tyga. Ajo është akuzuar shumë shpesh se është shtatzënë dhe se po e mban të fshehtë. “O Zot! Jo. Nuk jam shtatzënë. Të njejtat thashetheme për shumë vite dhe ende nuk ka bebe… kështu që…”, ka shkruar një Twitter 18 vjeçarja. Ajo ka thënë se do jetë e para që do e bëjë publike nëse ky lajm do të jetë i vërtetë kur t’i vijë koha. E së fundmi Kylie i është përgjigjur ndryshe këtyre fjalëve. Ajo është parë me një fustan që i theksonte shumë mirë belin e sheshtë dhe të hollë. Kështu mbase do binden se Kylie ende nuk ka në plan për t’u bërë nënë.