Kylie Jenner, ndërhyrje kirurgjike për Tyga

Nëse do të flisnim për familjen e madhe Kardashian/Jenner, e sigurt që të gjithë do mendonim për pamjen e tyre, të akuzuar gjithmonë për bukuri kirurgjikale dhe jo natyrale. Kylie Jenner, një ndër femrat më të reja të kësaj familjeje, pavarësisht ndryshimeve kolosale që ka pësuar pamja e saj vitet e fundit ajo e mohon të ketë kryer ndërhyrje në trupin e saj, gjë që vështirë të besohet. 18-vjeçarja Kylie, siç duket s’do ta lërë me kaq, pasi sipas “Daily Star”, ajo ka planifikuar t’i nënshtrohet ndërhyrjeve kirurgjikale pas presionit nga i dashuri i saj, Tyga. Duke qenë se marrëdhënia e tyre nuk po shkon aq mirë , ajo po planifikon të ndërhyjë në trup, vetëm që ta mbajë rreperin Tyga në jetën e saj.