Lady Gaga rikthehet si aktore, bëhet bashkë me Brad Pitt

Lady Gaga ka nënëshkruar për të luajtur së bashku me Brad Pitt në filmin “Bullet Train”. Këngëtarja u nominua për aktoren më të mirë për “Oscar” për rolin e saj në vitin 2018 në “A Star Is Born”, me regji nga personazhi kryesor, Bradley Cooper.

Tashmë, këngëtarja do t’i rikthehet kinemasë me një film që do të drejtohet nga David Leitch. Përveç Pitt, kasti i aktorëve përfshin dhe Michael Shannon, Joey King, Aaron Taylor-Johnson, Zazie Beetz, Brian Tyree Henry, Andrew Koji dhe Masi Oka.

“Bullet Train” bazohet në romanin japonez të “Maria Beetle” nga Kotaro Isaka. Filmi flet për një grup prej pesë vrasësish që ndodhen në një tren në Tokio dhe kuptojnë se misionet e tyre kanë një të përbashkët. Nuk dihet nëse Gaga do të luajë një nga atentatorët por roli i saj është mbajtur sekret deri më tani.

/abcnews.al