Largimi nga Portokallia, ”qan” hallet në Klan

Pse nuk i kemi njohur më parë personazhet e Portokallisë? Njëri prej tyre sot u rrëfye tek Rudina. Erion Isai foli për veten dhe për familjen, madje ishte i ftuar bashkë me gruan e tij, e cila është gjithashtu regjisore.

Ata treguan për jetën e përbashkët, vajzën që para pak muajsh festoi 1-vjetorin, por edhe për punën dhe largimin nga “Portokallia”. Ai zbuloi se gruaja kishte qenë mbështetje e fuqishme që ai të largohej nga programi. “Doja të ikja dhe para një viti, por këtë vit e vendosa”, tha Erioni. Kishte pasur probleme me një klauzolë të kontratës së punës, për të cilën nuk dha shumë detaje.

Ata folën edhe për momentet më të bukura e të trishtuara të jetës, siç ishte lindja e vajzës, apo një abort spontan që bashkëshortja, Ajlin, kishte pësuar.

15 vite në “Portokalli” dhe asnjëherë s`e kishim pasur mundësinë të kishim një rrëfim të tillë të Erionit dhe aq më pak të gjithë familjes.