Liam Hemsworth konfirmon romancën e re me modelen Gabriella Brooks
Liam Hemsworth e ka konfirmuar lidhjen e tij të dashurisë me modelen Gabriella Brooks.
Aktori 30-vjeçar ishte parë duke shkëmbyer puthje me modelen australiane, 23-vjeçe, në Byron Bay këtë muaj, në bazë të fotografive që ka publikuar New Idea.
Pasi kaluan Vitin e Ri së bashku, Liam dhe Gabriella nuk mund të ndaheshin nga njëri-tjetri, të cilët u panë në momente shumë të lumtura së bashku.
Liam e kishte prezantuar më parë Gabrielën me prindërit e tij, Craig dhe Leonie, në Bayon Bay për një drekë familjare, më saktësisht në muajin dhjetor.
Një burim i tha së fundmi US Weekly se Gabriella është e njohur me gjithë familjen Hemsworth.
“Liam ndjehet rehat me Gabriellan. Familja e tij e aprovon atë dhe e pëlqen vërtet, gjë që është shumë e rëndësishme për të”, pohoi një i brendshëm.
Por, është akoma e paqartë se si u takuan Liam dhe Gabriella ose kur filluan lidhjen.
Në tetor, Liam ishte fotografuar duke u puthur me Maddison Brown në një takim të tyre në New York – por duket se romanca e dyshes ishte jetëshkurtër.
Ylli i “Hunger Games” njoftoi ndarjen e tij nga gruaja Miley Cyrus në gusht 2019, vetëm tetë muaj pas dasmës së tyre të fshehtë në rezidencën e saj prej 8.2 milionë milionë dollarësh.
Në anën tjetër, në prill, Gabriella i dha fund lidhjes së saj katër vjeçare me këngëtarin e “The 1975”, Matt Healy.