Madonna po planifikon të ardhmen me të dashurin 36 vite më të vogël

Madonna ka marrë vulën e aprovimit të marrëdhënies me të dashurin 36 vite më të vogël, nga prindërit e tij.

Madje edhe prindërit e balerinit Ahlamalik Williams janë më të vegjël se këngëtarja.

Në një intervistë për Mirror, prindërit e të riut Laurie, 55 vjeç dhe Drue, 59 zbuluan se Madonna po planifikon të ardhmen me djalin e tyre dhe se çifti janë në një lidhje prej një viti.

Lidhja e Madonnës me balerinin e saj ka ngjallur shqetësim mes miqve të këngëtares, pasi ky është i fundit në linjën e gjatë të të dashurve të yllit të popit që janë dekada më të vegjël se ajo.

Drue tha se ai dhe Laurie janë takuar me Madonnën dhe kjo e fundit ka folur për planifikimin e një të ardhme me Ahlamalik kur turneu i saj në Madame X të marrë fund vitin e ardhshëm.

Ata thanë se madje besojnë që djali i tyre mund të martohet me këngëtaren pavarësisht hendekut të madh të moshës.