Malala firmos me Apple Tv, nobelisja e Paqes do të prodhojë dokumentarë për gra e fëmijë

Nobelisja e paqes, Malala ka nënshkruar një marreveshje me Apple Tv për prodhimin  e dokumentarëve dhe serialeve me fokus gratë dhe fëmijët. Qëllimi është përmes saj shumë të rinj që do t’i shikojnë këto programe të frymëzohen për të respektuar të drejtat e grave në të gjithë botën.

Nobelistja e paqes, Malala Yousafzai, ka nisur një bashkëpunim me kompaninë amerikane Apple TV+, për të prodhuar drama dhe dokumentare, me fokus te gratë dhe fëmijët.

Aktivistja palestineze për të drejtat e grave dhe vajzave, i mbijetoi një sulmi të talibanëve për ta vrarë.

Apple TV+ në një deklaratë për mediat njoftoi se Malala ka nënshkruar një marrëveshje disavjeçare që “bazohet në aftësitë e saj për të frymëzuar njerëz në të gjithë botën”.

Programet e saj do të përfshijnë animacione dhe seriale për fëmijë.

 “Shpresoj që përmes meje, shumë të rinj dhe vajza do t’i shikojnë këto programe dhe do të frymëzohen”, tha Malala për agjencinë e lajmeve Reuters.  23 vjeçarja shtoi se është “mirënjohëse për mundësinë” që i është dhënë “për të mbështetur gratë, të rinjtë, shkrimtarë dhe artistë”.

Në vitin 2012, Malala, 15 vjeçe, u qëllua në kokë nga talibanët, për shkak të fushatës së saj në mbështetje të shkollimit të vajzave.

Ajo u trajtua në Mbretërinë e Bashkuar, ku edhe jeton aktualisht. Malala është fituesja më e re në moshë e Çmimit Nobel për Paqe.

Ajo ishte vetëm 17-vjeçe kur u laureua në mesin e tre finalistëve në 2014, dhe mes tyre ishte edhe Papa Françesku.