Mariah Carey i refuzohen kartat e kreditit

Momente të sikletshme për divën Mariah Carey, ku në një butik në Hollivud i janë refuzuar kartat e kreditit. Ajo ishte duke bërë pazar dhe kartat e saj të kreditit u refuzuan. “Kur kjo i ndodhi te ‘Louis Vuitton’ mendoi se mos ishte një gabim, por i ndodhi dhe tri herë të tjera. U vu shumë në siklet dhe u ndje e turpëruar”, tregon një dëshmitar.

Mund të jetë ndonjë problem teknik, megjithëse kohët e fundit shkëlqimi i këngëtares është zvetënuar. Disa data turesh janë fshirë, të tjera janë shtyrë. Ndërsa kohët e fundit ajo është kritikuar shumë edhe në shtyp dhe disa biznese nuk i kanë ecur mirë. Këngëtarja thotë se çdo gjë shkon shumë mirë, por në të vërtetë nuk është kështu!