Mario e bëri Bebe Rexhën të duket si Marylin Monroe

Mbrëmë, Bebe Rexha performoi një prej këngëve më të ndjera të albumit të saj në “The Tonight Show Starring Jimmy Fallon.” Bebe veshi fustanin më glamoroz sot për sot, i gjithi me xixa, pupla në fund e pupla në mëngë.

I vetmi grimier mjaftueshëm i zoti për t’i nxjerrë në pah fytyrën Bebes në mes të shkëlqimit të fustanit ishte Mario Dedivanovic, ose Mario i Kim-it, si të doni. Ai zgjodhi lëkurë të skulpturuar, penel maksimalist, xixa dhe buzë të kuqe. Flokët, nga Ursula Stephen, kanalizojnë së mirëfilli Marylin. Nuk e themi vetëm ne, por thuajse çdo komentues në Instagram dhe YouTube.

Kënga që performoi Bebe, “Knees”, është pjesë e albumit të saj debutues “Expectations” dhe pa dyshim një prej të preferuarave të publikut. Bebe njoftoi se kjo është hera e parë dhe e fundit që e performon në televizion, kështu që shijojeni. Në të kundërt, blini bileta për turneun e saj.