“Më ndoqën me makinë”, Rozana Radi rrëfen përse hoqi dorë nga koncertet

Prej shumë vitesh, këngëtarja Rozana Radi nuk merr pjesë në koncerte muzikore. Arsyen e zbuloi në një intervistë për “Glamour Zone” në RTV Ora, ku rrëfeu se gjithçka u vulos pas fansave që e ndoqën me makinë një natë.

Rozana Radi: Nuk dua të prek asnjeri por janë disa fansa që kanë dëshirë të jenë non stop me mua dhe e kam kohën shumë të limituar. Një ndër arsyet që e kam ndërprerë muzikën dhe nuk shkoj më nëpër koncerte është dhe arsyeja e fansave.

Unë e kam lënë pas një koncerti në Vlorë, në të cilën ishin mbledhur disa fansa të mi. Pasi bëra foto, i përshëndeta, ndejta me to, u nisa drejt Tiranës dhe e kisha të pamundur sepse filluan të më gjëmonin mbrapa me makinë dhe më krijoi një si tip paniku.

Atë natë, ne kemi qenë tre vajza. Ishin dy shoqet e mia që më shoqëronin dhe unë, e u bë pak e tepërt, krijoi panik gjëja. Kjo më ka krijuar një gjë jo të mirë dhe më ka lënë pasojë në jetën time.