Meghan Markle falenderon “Heronjtë e 2020” në emisionin special

Meghan Markle i ka surprizuar të gjithë me daljen e saj të fundit televizive. Dukesha e Sussex iu bashkua emisionit special të heronjve në CNN për të nderuar momentet më frymëzuese të vitit dhe njerëzit që i bënë ato të ndodhin.

Duke iu referuar pandemisë Covid-19, Dukesha falënderoi “të gjithë ata që u siguruan që nevojat më themelore të komuniteteve të plotësoheshin” gjatë vitit të kaluar, gjë që ajo vuri në dukje se ishte “shumë e vështirë për të gjithë”.

Meghan vuri në dukje se përballë këtij realiteti shkatërrues, pamë fuqinë e shpirtit njerëzor dhe mënyrat e jashtëzakonshme që komunitetet reagojnë në kohë sfiduese.

“Ne pamë të mirën tek njerëzit, tek fqinjët tanë dhe në komunitetet e tëra që bashkoheshin për të thënë se nuk do të qëndronin pranë ndërsa fqinjët tanë do të ishin të uritur”.

Për 14 vitet e fundit, “CNN Heroes” ka nderuar njerëzit e përditshëm të përkushtuar për ta bërë botën një vend më të mirë. Moderuar nga Anderson Cooper i CNN dhe Kelly Ripa i ABC, emisioni zakonisht transmetohet para një audience të drejtpërdrejtë, por këtë vit, për shkak të pandemisë së koronavirusit, ajo u regjistrua.

Prezantues të tjerë të famshëm përfshinin humoristët Jim Gaffigan dhe Patton Osëalt, aktoret Angela Bassett etj.