Morena Taraku del hapur kundër organizatorëve të Miss-it

Bukuroshja Morena Taraku është rrëfyer se organizatorët e “Miss Kosova” nuk e kanë ftuar që të dorëzonte kurorën një vit pas fitores.

Ajo bëri shaka duke thënë se kurorën e ka ende në shtëpi, por u shpreh se kishte qenë e qëllimshme nga organizatorët. “Unë nuk ia dorëzova dot kurorën asnjë Miss-i”, tha ajo në “n’Kosovë Show”, “Për shkak të interesave dhe politikave të organizatorëve, për të më fshehur”.

Morena Taraku u shpreh lidhur me këtë pakënaqësi ndaj organizatorëve, duke thënë se nuk është aspak dakord që bukuria shqiptare të përfaqësohet nga një e huaj.

Në Kosovë shkaktoi shumë polemika zgjedhja e modeles argjentinase Camila Barraza, për të përfaqësuar vendin në Miss Universe.

Organizatorja prej vitesh e Miss Kosovës, Agnesa Vuthaj, tha se nuk ka asnjë rregull që t’ia ndalojë pjesëmarrjen një vajze me shtetësi të huaj.