Një moment i veçantë dhe plot emocion ka prekur ndjekësit e Princ Lekës, i cili ka ndarë një pamje të ëmbël mes vajzës së tij, princeshë Geraldina, dhe vëllait të saj të vogël, princit Aleksandër.
Në videon e publikuar, vogëlushja Geraldina i kushton një këngë të ndjerë të porsalindurit, duke shprehur dashurinë dhe afërsinë e saj për të. Melodia shoqërohet me vargje që përcjellin gëzimin e ardhjes së një vëllai në familje dhe lidhjen e veçantë mes tyre.
“Një melodi dashurie nga Geraldina për vëllain e saj të vogël, Aleksandër. Kujtimi i parë i një lidhjeje që do t’i shoqërojë gjithë jetën”, ka shkruar Princ Leka krahas videos.
Ky moment i ëmbël ka sjellë një dëshmi të parë të marrëdhënies së veçantë që pritet të ndërtohet mes dy fëmijëve.